Чили кон карне е зачинето јадење од мексиканско потекло, направено од мелено говедско месо, грав и домати, зачинето со чили и ароматични зачини. Богатиот вкус и топлината на ова јадење го прават совршено за постудени денови или собири со пријатели. Често се служи со ориз, тортиљи или леб, а може да се зачини по вкус за дополнителна лутина.
Потребно:
- 500 г мелено говедско месо
- 1 голем кромид, ситно исечкан
- 3 чешниња лук
- 1 црвена пиперка, исечена
- 400 г пелота (од конзерва)
- 250 мл пасата
- 1 конзерва грав (400 г), исцеден
- 1 лажица мелен пипер
- 1 лажичка ким
- ½ лажичка кајенски пипер (или по вкус)
- 1 лажичка оригано
- Сол
- Црн пипер
- 2 лажици масло
Подготовка: Пржете го кромидот во масло пет минути, додадете го лукот и пиперката. Додадете го меленото месо и пржете додека не порумени. Додадете ја мелената пиперка, кимот, кајенскиот пипер и ориганото. Истурете ја пелотата, пасатата и малку вода (50 мл). Гответе на тивок оган 30 – 40 минути. Кон крајот, додадете го исплакнатиот и исцеден грав и гответе уште пет минути.
