ДЕЛ ОД МОНОГРАФИЈАТА „СЛАВЕ КАТИН – ЖИВОТ И ДЕЛА“
Познавајќи го холокаустот на Евреите во светот, особено во Канада, втората моја публикацијата ја крстив „Македонски холокауст” (1990), која е издание наНИО „Студетски збор“, Скопје, печатена на 236 страници, на ма-кедонски јазик, чиј рецензенти се: Живко Василевски и Христо Андоновски. Ова дело е посветено на „македонскиот холокауст“, а главно го прикажува холокаустот кај македонските иселеништво од сите делови на Македонија.
Затоа, истакнатиот македонски општествен и културен работник Живко Василевски, претседател на Културно-просветниот собор на Собранието на Република Македонија, а потоа и претседател на Матицата на иселниците од Македонија, на промоцијата на ова дело во Клубот на новинарите на Македонија на 9 јули 1990 година, меѓу другото, ќе истакне:
Делото „Македонски холокауст”претставува значаен придонес во натамошното проширување на сознанијата за драмата на македонскиот народ и за нејзините режисери, кои што со невидена упорност ја продолжуваат со години, децении и векови и се’уште упорно ја продолжуваат и се надеваат на конечното искоренување на Македонците од нив–ниот дел на Балканот.
Преку магистралите на Балканот постојано се движеле цивилизациите од Север кон Југ и од Југ кон Север и секоја зад себе оставила траги од својата материјална култура. Веројатно оваа вистина за Македонија била и мотив „железниот“ канцеларБизмарк, кон крајот на Х/Х век дa ја изговори познатата синтагма:„ОнојштовладеесодолинатанаВардар,владееисоБалканот“
Во рамките на овие и вакви ангажирања на аспирантите за владеење со Балканот, станува сосема разбирлива и вистината за една третина од отселените Македонци од својата родна грутка во прекуморските земји. Оваа судбина е карактеристична и за народот од Израел и за Ерменците. Во „Македонскиот холокауст” Катин непосредно и аргументирано ги прикажува животните судбини на етниќките Македонци.
Тој ги дава сведоштвата за Лерин, Желево, Габреш, Баница, Воден, за Љубојно, Брајчино, Велгошти, Вевчани, за Мелник, Петрич и Сандански, за Мала Преспа и преселбите и разделбите на Македонците и за нивниот непребол кон родната грутка.
Во фокусот на неговото внимание се иселениците, кои се потврдуваат како мошне значаен фактор во борбата на Македонецот за својата национална легитимација, или поточно за својот јазик, култура и религија, колку слични, толку и различни од историјата, јазикот и културата на другите словенски народи“, напиша Живко Василевски.
Христо Андоновски, главниот и одговорен уредник на списанието „Македонија“, пак, истакна дека во сегашниот миг на разгорени страсти за господарење со средиштето на Балканот, а и во иднина, ова дело ова мое дело ќе претставува значајна и своевидна документација за одбраната на националното битие на Македонецот, но и аргументација за проширување на сознанијата на општествено-политичката, културната и научната јавност во светот за македонскиот дел на Балканот.
Ова дело претставува илустративен пример за современиот миг на македонскиот државен и политички однос кон нашите иселеници и нивните културни, црковни и спортски друштва, клубови и други асоцијации. Однос што отвора нови можности, содржини и перспективи за градење поблиски односи и врски со македонското иселеништво
.
Од публикацијата „Македонски холокауст“ се објавени повеќе репортажи за Македонија кои се објавени во различни средства за информирање ширум светот.
Продолжува
Пишува: СЛАВЕ КАТИН
