Роби Вилијамс проговори за својата историја на ментални болести во новиот документарен филм кој го прикажува неговиот живот.
Во серијата, едноставно насловена „Robbie Williams“, пејачот коментира снимки од раните 1990-ти до 2010-тите, кои го прикажуваат неговиот подем до славата и бројните пречки со кои се соочил за време на неговата борба со депресијата и зависноста.
„Внесував сè што ќе ми дојдеше при рака – екстази, кокаин, алкохол. Вечерта пред да одам на проби, буквално пиев по едно шише вотка, тоа се случуваше секоја вечер“, вели Вилијамс.
Зборувајќи за неговата зависност од дрога, Роби додал: „Мислам дека не постои начин да почувствувате нешто друго освен мамурлак, а потоа сте повторно во процес на создавање иден мамурлак“.
„Сите знаеја дека сум во неволја, но не им беше гајле, стигнав до точка од која нема враќање. Мојот живот толку излезе од контрола што мојот менаџер сфати дека мора да ме однесат на рехабилитација“.
„Се мразев себеси“
„Бев пијан и депресивен“, вели пејачот.
На Вилијамс му била дијагностицирана депресија уште во неговите 20-ти години од животот.
„Морав да излезам на сцената пред илјадници луѓе преправајќи се дека сум среќен, а во себе горев. Тоа беше толку непријатно искуство“, признал тој.
Роби, кој сега е трезен веќе 20 години, открил дека конечно научил да се прифати себеси по сите борби во минатото.
„Се мразев себеси, мислев дека не знам да пеам и изгледам лошо. Ако некој мислеше дека шетам со напумпано чувство на самобитност, всушност беше спротивното“, изјави претходно.
