Навикнати сме на одлични модни изданија на оскаровката Лупита Нјонго, па не разочара ниту на театарскиот еквивалент на филмскиот Оскар, наградите Тони, што се одржаа во Њујорк. Меѓу долгите цветни фустани, нејзината облека не можеше да остане незабележана: Лупита носеше црн костум под кој имаше сребрен горен дел што изгледаше како нејзиното тело да е обоено во сребрена боја.
Станува збор за специјално изработен горен дел кој пакистанската дизајнерка Миша Јапанвала го направи според контурите на нејзиното торзо.
„Миша е уметница и дизајнерка која со својата работа сака да го деконструира и отфрли чувството на срам што го имаме за нашите тела, можеме да се чувствуваме слободни во нашите тела“, актерката го коментираше нејзиниот моден избор.
Покрај модната комбинација, вниманието го привлече и со тетоважата на главата од кана, откако неодамна ја избричи косата.
Адаптацијата на филмот за Мерлин Монро „Некои тоа го сакаат жешко“ имаше најмногу номинации на Тони наградите, 13, а им беа доделени вкупно четири статуетки.
