Oдлични вести пристигнаа утрово за навивачите на Ливерпул, Мохамед Салах и официјално стави потпис на нов договор, а истото ќе го направи и Вирџил Ван Дајк.
Салах стави потпис на договор до 2027 година и со тоа се става крај на шпекулациите дека ова лето би можел да ја промени средината.
Исто така најпознатиот фудбалски инсајдер, Фабрицио Романо објави дека се е договорено и со Ван Дајк кој наскоро треба да го стави својот потпис. Договорот на холандскиот дефанзивец според најавите ќе важи исто така до 2027 година.
Вирџил Ван Дајк ќе парафира нова соработка со „црвените“ и тоа се очекува да се објави во најбрз рок. Холанѓанецот ќе потпише исто така договор на две години, активен до јуни 2027 година. Двете страни си подадоа рака, а веќе Фабрицио Романо го даде своето „Here we go“.
Во редовите на Ливерпул искусниот стопер пристигна во 2018 година за 85 милиони евра од Саутемптон. Оттогаш се наметна во тимот, блесна и ја доби капитенската лента.
