Хејли и Џастин Бибер се во брак од 2018 година, а сега се шпекулира дека одлучиле да се разведат.
Се започна кога нејзиниот татко Стивен Болдвин сподели објава во која ги замоли луѓето да се молат за неговата ќерка и зет. Ова збуни многумина, па почнаа да шпекулираат дека парот решил да се раздели, но во тоа нема вистина, барем според „People“.
– Нема развод, нема вистина во тоа. Тие се многу, многу среќни – изјавил извор близок на парот за споменатиот весник, пренесува „Б92“.
Оваа изјава на изворот дојде и по објавата која Хејли ја имаше, каде што им порача на луѓето да не веруваат во секакви глупости.
– Само да знаете, тие приказни и се што се објавува се чисти гласини. Тие доаѓаат од некоја илузија на луѓе. Знам дека ви е забавно да им се придружите, но знајте дека овие гласини се секогаш лажни. Жал ми е што ве разочарувам, но тоа е така – напишала Хејли.
Како што беше напишано неодамна, покрај тоа што има свој бизнис, Хејли му се придружи на својот сопруг во неговите деловни обврски и е многу посветена на тоа.
