Документите видени од овој портал, а кои потекнуваат од Бордот на Светската фудбалска асоцијација (IFAB), укажуваат на воведување на првата голема промена во начинот на доделување картони од Светското првенство во 1970 година.
Синиот картон инаку би претставувал казна за играчот кој ќе добие 10 минути надвор од игра доколку направи доволно груб фаул или покаже непочитување кон судијата.
Се вели дека Фудбалската асоцијација на Велс е првата која го применила ова правило во пониските лиги, а бојата била избрана целосно да се разликува од жолтата и црвената, па портокаловата е исфрлена како опција.
Сè уште нема јасна разграничување кога арбитрите треба да изберат некој од трите споменати картони и практиката е единствениот критериум што може да укаже на тоа. Освен тоа, два сини картони веројатно би биле еднакви на црвен, исто како и два жолти.
Во интервју за Телеграф, Александар Чеферин истакнал дека е против воведување на вакво правило, иако тоа би можело да пушти корен и покрај неговата желба. Посебно што ФА Купот за мажи и жени ќе биде натпреварување кое на најдобар начин ќе покаже дали ова правило е ефективно или не.