Селена Гомез се врати на Инстаграм точно 18 часа откако вети дека ќе се одмори од социјалните мрежи „на одредено време, за да се фокусира на она што е навистина важно“.
31-годишната сега на Инстаграм промовираше видео за готвење со Гордон Ремзи. „Гордон влезе во мојата кујна и ми покажа како да направам плескавица за појадок“, напиша таа, прекршувајќи го ветувањето дадено точно 18 часа претходно.
Еден ден претходно, Селена драматично објави на Инстаграм дека е време да се одмори од социјалните мрежи поради шпекулациите за нејзините наводни озборувања на Златните глобуси. „Ќе останам надвор од социјалните мрежи некое време. Се фокусирам на она што е навистина важно“, напиша таа покрај фотографијата на нејзиното момче Бени Блан како игра со две деца.
Изгледа не издржа долго.
