Освежителна салата полна со зачини и медитерански вкус – комбинација од пилешко месо, сезонски зеленчук и освежувачки дресинг.
Време на подготовка: 25 минути
Време на готвење: 10 минути
Вкупно време: 35 минути
Состојки (за 4 порции)
За дресинг:
- 2 лажици маслиново масло
- 4 лажици сок од лимон
- 2 лажици вода
- 2 лажици црвен вински оцет
- 2 лажици свеж ситно сечкан магдонос
- 2 лажички сув босилек
- 2 чешниња лук (исцеден)
- 1 лажичка сув оригано
- 1 лажичка сол
- Бибер по вкус
За салата:
- 500 г пилешки гради (филе)
- 1 лажица маслиново масло
- 200 г зелена салата
- 1 поголем свеж краставец
- 4 чери домати
- 1 главица кромид
- 1 зрел авокадо
- 60 г црни маслинки (без коски)
- 2 парчиња лимон
Подготовка
1. Подготовка на дресинг
Измешајте ги сите состојки за дресингот. Половина истурете во плиток сад, а остатокот оставете го во фрижидер.
2. Маринирање на пилешкото
Ставете го пилешкото во дресингот и оставете го во фрижидер околу 30 минути. За тоа време подгответе ја салатата.
3. Подготовка на зеленчукот
Измијте ја зелената салата и исечете ја на помали парчиња.
Краставецот исечете го на коцки, чери доматите на четвртини.
Кромидот исечете го на тенки парчиња.
Авокадото пресечете го, извадете ја коската и исечете го на ленти.
Маслинките може да ги оставите цели или да ги исечете.
4. Печење на пилешкото
Загрејте маслиново масло на средна температура и печете го пилешкото околу 4 минути од секоја страна.
Потоа оставете го да се олади 5 минути и исечете го на ленти.
5. Сервирање
Ставете го зеленчукот во поголем сад, додадете го пилешкото, прелијте со преостанатиот дресинг и сервирајте со парчиња лимон.
