За време на празниците, подготовката на руска салата е неизбежна за многумина, особено во пресрет на Нова Година и Божиќ. Тоа е салата што стана дел од нашата домашна кулинарска традиција и често се пренесува од генерација на генерација, со мали варијации во рецептот. Но, овој рецепт е совршен.
Потребно:
- 500 г компири
- 300 г моркови
- 200 г грашок
- 3–4 кисели краставички
- 250–300 г мајонез
- 2 лажици павлака
- 1 лажичка сенф
- Сол, бибер
- По желба 1 тврдо варено јајце (ситно исечкано)
Подготовка: Исечете ги компирите и морковите на мали коцки со еднаква големина. Сварете ги во солена вода (компири околу 12 минути, моркови околу 8–10 минути). Сварете го грашокот одделно 5 минути или користете замрзнат, веќе сварен. Исцедете го зеленчукот и изладете го целосно. Измешајте го мајонезот, павлаката и сенфот, зачинете лесно со сол и бибер. Додадете го зеленчукот и ситно исечканите краставици, измешајте сè нежно. Доколку сакате, додадете го исечканото јајце. Ставете во фрижидер најмалку 2 часа пред сервирање.
