Легендарниот британски рок музичар и соосновач на групата Пинк Флојд Роџер Вотерс се обрати вчера преку видеолинк на состанокот на Советот за безбедност на Обединетите нации во Њујорк, каде повика на моментално постигнување мир во Украина.
„Инвазијата на Руската Федерација е незаконска и остро ја осудувам. Исто така, тие имаа причина за таа акција, така што најостро ги осудувам и провокаторите кои до тоа доведоа“, кажа Вотерс.
Коментирајќи го континуираното вооружување на Киев од страна на Западот, музичарот укажа дека во светот има милијарди луѓе чии гласови не се слушаат и кои „не профитираат од бесконечната војна“ и кои се залагаат за моментален прекин на огнот.
Вотерс потсети дека „јади и греј се“ стана популарен слоган во Британија, бидејќи значителен број луѓе не можат да си ги дозволат двете, поради енергетската и економска криза која настапи по западните санкции против Москва.
„Претседателе (на САД Џо) Бајден, претседателе (на Русија Владимир) Путин, претседателе (на Украина Володимир) Зеленски, ве молам да го смените својот став веднаш. Доведете до прекин на војната во Украина денес. Тоа е само првиот чекор, но од него сè произлегува“, наведе Вотерс.
Роџер Вотерс е познат по противењето на западното снабдување на Киев со оружје поради руската „специјална воена операција“ во Украина.
Тој повеќе пати оцени дека со Украина владеат радикални националисти кои земјата ја довеле до раб на катастрофа.
