ДЕЛ ОД МОНОГРАФИЈАТА „СЛАВЕ КАТИН – ЖИВОТ И ДЕЛА“
Историскиот роман „Александар III Македонски (Велики)“ (2019) од Улрих Вилкен, чиј рецензенти се д-р Владан Велков и Александар Донски, е луксузно издание на Книгоиздателството “Македонска искра” од Скопје.
Тоа е отпечатено на македонски јазик, на 540 страници и претставува значаен придонес и прилог кон осветлувањето на голем број аспекти за древноста и континуитетот на историската вистина за Античка Македонија.
Според историските документи Александар III Македонски е роден на 22 јули 356 година во македонската прес-то-лнина Пела, на 20 години станал македонски цар, а починал во Вавилон на 13 (според некои на 10) јуни 323 година пред Христа.
Инаку, Александар бил воспитуван и образован во духот на македонската аристократска традиција, во малото место Миеза, блиску до Бероја. Негов учител бил славниот филозофот Аристотел. На македонскиот престол доаѓа по убиството на неговиот татко Филип II, во 336 г. пр.н.е. Тој во историјата ќе остане запаметен како најголем светски војсководец и непобеден воин, творец на новиот свет.
Промоции и објави:
Прва промоција на романот „Александ III Македонски“ е одржана во ППЦ „Света Богородица“ во Кембриџ, Онтарио, на која свештеникот Гоце Деспотовски ја отвори промоцијата, а за романот зборуваше Бранкица Кузмановска-Матеска, претседател на Женската секција во Црквата.
Во своето излагање таа рече дека Александар III Македонски (Велики) во историјата ќе остане запаметен како најголем светски војсководец и непобеден воин, творец на новиот свет, на новиот поредок. Римјаните кои ќе тргнат по стапките на античките Македонци, ќе го наречат „Alexander Magnus“ (Александар Велики).
Така и германскиот научник Улрих Вилкен (Ulrich Wilcken) во историскиот роман ќе го нарече ALEXANDER THE GREAT (Александар Велики), кој е преведен и приспособен од англиски на македонски јазик како „Александар Македонски“ од Славе Николовски-Катин, а во издание на Издавачката куќа „Мисла“ од Скопје, во 1988 година, на 390 страници. Овој превод беше прво дело за Античка Македонија на македонски јазик во Република Македонија.
Благодарение на порталот „Македонска нација“ романот „Александар Македонски“ беше печатен во континуитет скоро година и половина, воседумдесет и пет (75) продолженија од 11 октомври 2017 година до 13 март 2019 година, со цел широката читателска публика да се запознае со вистината и со ликот, како и со делото на големиот стратег, мислител и дипломат – Филип II Македонски и со неговиот син – цар на силното Македонско Царство – Александар III (Велики) Македонски.
Во порталот „Бukoвo 36“ од јуни до декември 2018 година беа објавени четириесет (40) продплженија од романот за Александар кои се превземени од порталот „Македонска нација“. Исто така, во порталот “Македонско сонце“ се објавени триесет и осум (38), а пет (5) продолженија се објавени со „Медиа 24“. Овие (75) продолженија беа основа да се подготви романот „Александар Македонски“ од Славе Катин и Андреа Бранов.
Во организација на Литературното друштво „Браќа Миладиновци“ од Торонто, Канада, кое е во состав на Катедралната православна црква “Свети Климент Охридски”, на 14-ти декември 2023 година, се одржа промоција на публикацијата: „Александар Македонски“, за која зборуваше Димитар Цонев, член на Друштвото.
Исто така, во порталот „Мактел’ од Сиднеј, Австралија се објавени сто педесет и три (153) продолженија од делото „Александар Трети Македонски“.Истите (153) продолженија се објавени и во порталот „Македонско сонце“, а десет (10) продолженија се објавени во „Македонија“ од Торонто.
Продолжува
Пишува: СЛАВЕ КАТИН
