Сезоната на јагоди започна, а со тоа многу луѓе веќе подготвуваат вкусни и освежителни десерти со ова овошје. Плус, ако го сакате кокосот, овој рецепт ќе биде совршена комбинација.
Станува збор за лесен десерт, идеален за пролетните и летните денови, а секој залак ќе ви се стопи во устата.
Потребни состојки:
за пандишпанот:
- 100 гр брашно
- 150 гр шеќер
- 100 гр кокос (+50 гр за посипување)
- 2 лажици гриз
- 5 јајца
- 4 лажици топла вода
- 1 кесичка прашок за печиво
- прстофат сол
за кремот:
- 250 гр свежи јагоди
- 250 гр џем од јагоди
- 200 гр крем сир
- 100 гр шеќер во прав
- 200 мл шлаг
- 1 лажичка екстракт од ванила
Подготовка:
За почеток, одвојте ги белките од жолчките, потоа изматете ги белките додека не станат цврсти и оставете ги на страна. Потоа изматете ги жолчките со шеќерот и 4 лажици топла вода додека не добиете кремаста текстура.
Во друг сад, измешајте го брашното, прашокот за печиво, солта, гризот и кокосот, потоа постепено додавајте ги во смесата од жолчки и матете со миксер. Додадете ги белките со лажица, а потоа распоредете ја целата смеса на плех обложен со хартија за печење.
Печете го пандишпанот во претходно загреана рерна на 180 степени околу 10 до 15 минути. Додека се пече кората, намокрете чиста крпа и распоредете 50 грама кокос врз неа. Кога пандишпанот ќе се испече, ставете го горниот дел на крпата и нежно отстранете ја хартијата за печење и па ролајте го. Оставете го пандишпанот да се олади и почнете да го подготвувате кремот.
Изматете ја шлаг кремата додека не стане цврста, потоа додадете го крем сирот, шеќерот во прав и екстрактот од ванила и матете додека не добиете мазна смеса.
Изладениот пандишпан раширете го, а потоа премачкајте го со џем од јагоди. Потоа премачкајте го белиот крем, но оставете мал дел за премачкување на ролатот. Наредете ги исечените јагоди врз пандишпанот и замотајте во ролат. Премачкајте со преостанатиот бел крем.
