Познатиот режисер и оскаровец Мартин Скорсезе е ангажиран како продуцент на новиот документарно-фантастичен серијал „Светци“ кој се снима во Србија, пренесуваат српските медиуми.
Серијата ќе вклучува осум едночасовни епизоди и ќе ги истражува приказните на исклучителни мажи и жени кои ризикувале сè за да ја отелотворат најблагородната и најсложената суштина на човечкиот род – верата.
Креатор на серијата е Мати Лешем, која ја разви Мартин Скорсезе за Алтернативната телевизија Лајонсгејт. Сценариото го напиша Кент Џонс, а ќе го режира Елизабет Чомко.
Меѓународната авторска екипа веќе е во Белград, каде ќе се снима дел од серијата, но и на други локации во Србија.
Серијата „Светци“ премиерно ќе биде прикажана во ноември годинава на платформата Fox Nation.
