Ред Бул со 1-2 победа ја стартуваше новата Ф1 сезона

[et_pb_section fb_built=”1″ admin_label=”section” _builder_version=”3.22″ global_colors_info=”{}”][et_pb_row admin_label=”row” _builder_version=”3.25″ background_size=”initial” background_position=”top_left” background_repeat=”repeat” global_colors_info=”{}”][et_pb_column type=”4_4″ _builder_version=”3.25″ custom_padding=”|||” global_colors_info=”{}” custom_padding__hover=”|||”][et_pb_text _builder_version=”4.14.8″ _module_preset=”default” hover_enabled=”0″ sticky_enabled=”0″]

Шампионите Ред бул рејсинг имаа совршен старт на новата Формула 1 сезона, покажувајќи ја својата супериорност со фантастична 1-2 победа со Макс Ферстапен и Серхио Перез, додека најголемата сензација во Бахреин ја направи најискусниот возач на патеката, Фернандо Алонсо, кој донесе подиум за Астон Мартин победувајќи ги возачите на Ферари и Мерцедес.

Освен на стартот на трката, кога Перез накратко го загуби првото место, болидите на Ред бул не беа под притисок во текот на трката, доминирајќи во првиот дел од трката пред возачите на Ферари, со Шарл Леклер и Карлос Саинс Јуниор зад нив. Ваква ситуација беше нарушена откако моторот на Леклер откажа додека беше на третото место.

Несомнено човек на трката беше Алонсо, кој успеа да ги помине двајцата возачи на Мерцедес, како и Карлос Саинс Јуниор за подиум, потврдувајќи ја силната форма на Астон Мартин од зимското тестирање.

Луис Хамилтон трката ја заврши како петти зад Саинс, Ленс Строл беше шести во вториот Астон Мартин, а во поени беа и Џорџ Расел, Валтери Ботас во Алфа Ромео, Пјер Гасли во Алпин и Алекс Албон во Вилијамс.

[/et_pb_text][/et_pb_column][/et_pb_row][/et_pb_section]