Репрезентацијата на Македонија денес ќе го одигра последниот натпревар на Светското првенство во Полска и Шведска.
Македонската селекција, откако не ја мина групната фаза и се пресели во Президент Купот, денес против Јужна Кореја ќе игра за 27 место на Мундијалот.
Селекцијата од Азија на дел од натпреварите на шампионатот покажа квалитет, па така избраниците на Кире Лазаров ќе треба максимално да влезат во натпреварот за да остварат поволен резултат.
Освен завршните натпревари во разигрувањето за пласман од 25 до 32 место, денес ќе стартуваат четвртфиналните дуели, по што ќе бидат познати сите патници во полуфиналето на 28. Светско првенство.
