Северна Кореја тестираше нова тактичка балистичка ракета, соопшти денеска официјалната севернокорејска новинска агенција КЦНА. Пјонгјанг ја лансираше ракетата Хвасонг-11Да-4.5, способна да носи голема боева глава тешка 4,5 тони, наведува КЦНА.
„Пробното лансирање беше извршено со проектил опремен со симулирана тешка боева глава за да се провери стабилноста на летот и точноста на гаѓањето на максимален домет од 500 километри и минимален дострел од 90 километри“, соопшти агенцијата.
Како што се додава, подоцна месецов се очекува ново тестирање на карактеристиките на летот, точноста на ударот и моќноста на експлозијата на просечна оддалеченост од 250 километри.
Новиот севернокорејски ракетен тест доаѓа еден ден откако Сеул, во понеделникот, соопшти дека севернокорејската војска истрелала две балистички ракети со краток дострел, и дека една од двете проби не успеала по можна експлозија во воздух над Северна Кореја.
Извештајот на Северна Кореја за ракетниот тест веројатно е „измама“, изјави на брифинг со новинарите во Сеул портпаролот на Здружениот Генералштаб на Јужна Кореја, полковник Ли Сунг-Јун. „Спроведувањето на ракетен тест во внатрешноста е исклучително ретко и голема е веројатноста дека е лажно да се тврди дека успеал“, рече тој.
Во зависност од дизајнот, балистичките проектили може да бидат опремени со нуклеарна боева глава. Северна Кореја, под раководство на Ким Јонг Ун е под меѓународни санкции поради нејзината програма за нуклеарно оружје. Резолуциите на ОН му забрануваат на Пјонгјанг да лансира и да тестира балистички ракети. Меѓутоа, изолираната азиска земја тоа постојано го игнорира и ги тестира овие ракети.
„Пробното лансирање беше извршено со проектил опремен со симулирана тешка боева глава за да се провери стабилноста на летот и точноста на гаѓањето на максимален домет од 500 километри и минимален дострел од 90 километри“, соопшти агенцијата.
Како што се додава, подоцна месецов се очекува ново тестирање на карактеристиките на летот, точноста на ударот и моќноста на експлозијата на просечна оддалеченост од 250 километри.
Новиот севернокорејски ракетен тест доаѓа еден ден откако Сеул, во понеделникот, соопшти дека севернокорејската војска истрелала две балистички ракети со краток дострел, и дека една од двете проби не успеала по можна експлозија во воздух над Северна Кореја.
Извештајот на Северна Кореја за ракетниот тест веројатно е „измама“, изјави на брифинг со новинарите во Сеул портпаролот на Здружениот Генералштаб на Јужна Кореја, полковник Ли Сунг-Јун. „Спроведувањето на ракетен тест во внатрешноста е исклучително ретко и голема е веројатноста дека е лажно да се тврди дека успеал“, рече тој.
Во зависност од дизајнот, балистичките проектили може да бидат опремени со нуклеарна боева глава. Северна Кореја, под раководство на Ким Јонг Ун е под меѓународни санкции поради нејзината програма за нуклеарно оружје. Резолуциите на ОН му забрануваат на Пјонгјанг да лансира и да тестира балистички ракети. Меѓутоа, изолираната азиска земја тоа постојано го игнорира и ги тестира овие ракети.
