Претседателот на Русија Владимир Путин и неговиот кинески колега Си Џинпинг разговараа за неодамнешните контакти меѓу Русија и САД, изјави советникот на Путин Јуриј Ушаков за руските медиуми, без да даде детали.
Путин се сретна со американскиот претседател Доналд Трамп претходно во август. Си и Путин се сретнаа на маргините на самитот на Шангајската организација за соработка (ШОС) во северниот кинески пристанишен град Тјанџин.
Безбедносниот форум ги собра лидерите од Русија, Индија, Иран и други азиски земји. „Светот поминува низ промени што не се видени во последните сто години, што носат зголемена нестабилност и несигурност“, рече Си.
На свечената вечера на почетокот на самитот, Си нагласи дека ШОС носи голема одговорност за мирот и стабилноста во регионот. На настанот присуствуваа бројни шефови на држави и влади, вклучувајќи го и Путин, кого Си топло го поздрави. Двајцата лидери стоеја еден до друг на таканаречената „семејна фотографија“.
Самитот му даде на Путин, изолиран на Запад поради неговата инвазија на Украина, платформа да демонстрира силни врски со Кина и другите азиски земји.
Рускиот лидер престојува во Кина неколку дена и ќе биде гостин на воената парада на 3 септември во Пекинг, заедно со севернокорејскиот лидер Ким Џонг Ун.
Парадата ќе ја одбележи 80-годишнината од поразот на Јапонија во Втората светска војна.
Путин се сретна со американскиот претседател Доналд Трамп претходно во август. Си и Путин се сретнаа на маргините на самитот на Шангајската организација за соработка (ШОС) во северниот кинески пристанишен град Тјанџин.
Безбедносниот форум ги собра лидерите од Русија, Индија, Иран и други азиски земји. „Светот поминува низ промени што не се видени во последните сто години, што носат зголемена нестабилност и несигурност“, рече Си.
На свечената вечера на почетокот на самитот, Си нагласи дека ШОС носи голема одговорност за мирот и стабилноста во регионот. На настанот присуствуваа бројни шефови на држави и влади, вклучувајќи го и Путин, кого Си топло го поздрави. Двајцата лидери стоеја еден до друг на таканаречената „семејна фотографија“.
Самитот му даде на Путин, изолиран на Запад поради неговата инвазија на Украина, платформа да демонстрира силни врски со Кина и другите азиски земји.
Рускиот лидер престојува во Кина неколку дена и ќе биде гостин на воената парада на 3 септември во Пекинг, заедно со севернокорејскиот лидер Ким Џонг Ун.
Парадата ќе ја одбележи 80-годишнината од поразот на Јапонија во Втората светска војна.
