Дваесет и пет годишен странски државјанин е убиен синоќа во угостителскиот објект на Градскиот плоштад во Штип. Со неколку прострелни рани, тој бил донесен во Градската болница каде иако лекарите се обиделе да го реанимираат, сепак не успеале.
Напаѓачот, се уште е во бегство.
„Напаѓачот и жртвата се идентификувани и станува збор за странски државјани. Од лице место подигнати се чаури и други траги кои ќе бидат предмет на вештачење, а телото на починатиот е дадено за обдукција. Обезбедени се и прегледани снимки од видео надзор“, велат од Основното јавно обвинителство во Штип.
На социјалните медиуми синоќа се појавија и видеа од моментот на нападот но и снимка од една од патарините на автопатот Штип-Скопје, каде се гледа како возило ја пробива рампата.
