Според првите проценки на Здружението на осигурителни компании во Франција, штетата од неодамнешните протести е проценета на 650 милиони евра, што е трипати повеќе отколку во 2005 година.

Протестите почнаа на 27 јуни поради смртта на тинејџер кој беше убиен од полицаец, а во таа прилика е направена голема штета на 3.900 имоти и приватни автомобили, пренесува Фигаро.

Претседателката на Здружението Флоренс Лустман изјави дека Здружението примило 11.300 барања за обештетување, од кои 55 отсто се однесуваат на деловен имот, а 35 отсто на имот на локалните власти.

На 1 јули, министерот за економија Бруно Ле Мер побара од осигурителните компании да го продолжат рокот за примање отштета, да ја намалат франшизата и брзо да платат компензација.