ДЕЛ ОД МОНОГРАФИЈАТА „СЛАВЕ КАТИН – ЖИВОТ И ДЕЛА“
Историската публикација „Придонесот на Македонцја во светската цивилизација“ (2004). чии автори се: покојниот академик Антоније Шкокљев-Дончо од Белград и Славе Николовски-Катин од Скопје, е преведена и на англиски јазик со наслов „Macedonia in Ancient Times“ (2010) (Македонија во античкиот период), во превод на Ристо Стефов од Торонто.
Тоа е издание на „Македонска искра“, Скопје, во 2010 година кога преведувачот на ова дело Ристо Стефов за првпат престојуваше во Република Македонија. Ова дело е отпечатено на 232 страници, а рецензенти на делото се проф. д-р Васил Тупурковски и проф. д-р Вера Стојчевска-Антиќ.
Ова дело е посветена на Македонија и Македонците, односно на прашањето дали издвоените политички ентитети имаат исклучително право на монопол над историското наследство, односно денешните млади генерации, родени и израснати во двата политички конфротирани делови се одраснати и посебно воспитани во своите држави.
Во воведот на публикациjata „Придонесот на Македонците во светската цивилизација“ се вели дека непосреден повод за оваа публикација е повторното отворање на “македонското прашање” како завереничка концепција на историјата, која не се симнува од дневно-политичката светска сцена веќе 2 500 години, реметејќи ги меѓународните односи на овој многу чувствителен простор на Европа.
Промоции и објави:
За публикациjата „Придонесот на Македонија во светската цивилизација“ имавме неколку промоции и тоа во Скопје, Торонто, Битола и Љубојно. Првото претставување на делото во Македонија беше во Домот на АРМ во Скопје на 25 мај 2004 година. Пред голем број видни личности од политичкиот и општествениот живот и голем број Македонци од етничка Македонија, делото го претставија проф. д-р Вера Стојчевска-Антиќ и д-р Васил Тупурковски.
На 16.02.2005 година , во Универзитетската библиотека во Битола се одржа промоција на делото „Придонесот на Македонија во светската цивилизација“, за која зборуваше битолчанката проф.д-р Вера Стојчевкса-Антиќ, која рече дека делото содржи обемен материјал од античкиот период на Македонија, материјали помалку познати и помалку истражуван дел од нашата историографија.
На 11.09.2009 година во Центарот за култура „Григор Прличев“ во Охрид беше промовирано историското дело: „Придонесот на Македонија во светската цивилизација“ од авторите Антоније Шкокљев – Дончо и Славе Николоски – Катин. Промотор беше професор д-р Вера Стојческа – Антиќ.
Во врска со промовирањето на ова дело треба да се забележи дека во порталот „Мактел“ од Сиднеј, Австралија, беа објавени триесет и две (32) продолженија од делото „Придонесот на Македонија во светската цивилизација“.. Голем број од горенаведените продолженија се објавени во „Македонско сонце“
Од ова книгата се објавени педесет и едно (51) продолжение во Веб-порталот „Македонска нација“ од 19 ноември 2014 до 21 септем-ври 2016, (на македонски).
Во порталот „Мактел’ од Сиднеј, се објавени шесет и пет (65) продол-женија. Истите 65 продолженија се објавени и во порталот „Македонско сонце“. Исто така, во порталот „Македонски збор“ од Детроит се објавени педесет и пет (55) продолженија кои се објавени и во порталот на Матицата, како и во Политекон од Сиднеј, а одреден број се објавени во повеќе информативни гласила во Македонија и кај иселениците во светот.
Продолжува
Пишува: СЛАВЕ КАТИН
