ДЕЛ ОД МОНОГРАФИЈАТА „СЛАВЕ КАТИН – ЖИВОТ И ДЕЛА“
Монографијата „Ѓорѓија – Џорџ Атанасоски“ (прво издание 2012 на 468 страници.Првото издание на монографијата е 43-то дело отпечатено по повод 60-от роденден на доблесниот македонски иселеник од САД Ѓорѓија – Џорџ Атанасоски.
Таа е значајна и по многу нешта единствена двојазична монографија од овој вид која претставува осврт за ликот и делото за Атанасоски. Рецензенти на монографија „Ѓорѓија – Џорџ Атанасовски –прво издание“ се митропо-литот Кирил, Марјан Ристески и Вера Стојчевска-Антиќ.
Ѓорѓија – Џорџ Атанасоски е исклучително голема, позната, призната и неодминлива личност во македонското иселеништво и во Македонија. Тој е без сомнение еден од економски најуспешните Македонци во светот. Иако подолго време живее на Флорида, од своето емигрирање до денес тој е длабоко и силно поврзан со судбината, вистината и настаните во Македонија.
Промоции и објави:
На 10 ноември 2012 година, во организација на МПЦ „Свети Димитрија“ од Флорида се одржа промоција на монографијата за Џорџ Атанасоски. Промотор беше архимадридот Арсениј од манастирот „Св Ѓорѓи“ од Њу Џерси, како и Славко Манговски, поранешен главем и одговорен уредник на „Македонско сонце“.
На 17 ноември 2012 година, пак, се изврши промоција на монографијата „Ѓорѓија – Џорџ Атанасоски“ во МПЦ „Св. Јован Крстител“ во Порт Ричи на Флорида, на која присуствуваа голем број Македонци, кои во зимскиот период живеат во Флорида. За монографијата зборуваа авторот Славе Катин и Џорџ Атанасоски
Исто така значајна промоција на делото „Ѓорѓија –Џорџ Атанасоски“ се одржа на Илинденските денови во Љубојно, во Преспа, на 2 август 2013 година, за која зборуваше проф. Д-р Вера Стојчевска – Антиќ. Тоа беше момент иселениците и сите други присутни на Средбите да се запознаат со животот и делото на Џорџ Атанасоски.
Потоа на 08 август 2013 година се одржа промоција на монографија во Прилеп, во хотелот „Сонце“ на која пред присутните ја претстави градоначалникот на Прилеп, Марјан Ристески, а присутните ги поздравија Џорџ Атанасоски и авторот Славе Катин.
Една од значајните промоции што се одржаа беше на 20 октомври 2013 година во Торонто, во Соборниот храм „Свети Климент Охридски“. За делото зборуваа претседателот на црквата „Свети Климент Охридски“ Менде Бакаловски.
Во врска со промовирањето на ова дело треба да се забележи дека во порталот „Македонска нација“ во текот на 2018 година се објавени деветнаесет (19) продолженија од монографијата „Ѓорѓија-Џорџ Атанасоски“ под наслов „Џорџ Атанасоски – најголемиот инвеститор од иселеништвото“. Бројни текстови од продолженијата се преземени и во „Македонско сонце’.
Во порталот „Македонска нација“, во 2020 година се објавени седумнаесет (17) продолженија од монографијата, а поголем број се објавени и во „Македонско сонце“ и во поеталот на Матицата на иселениците од Македонија.
Исто така, во порталот „Македонска нација“ во текот на 2023 година се објавени триесет (30) продолженија од монографијата кои се однесуваат на животот и делото на Џорџ Атанасоски . Истите текстови од продолженијата се преземени и во „Македонско сонце’.
Во порталот „Мактел“ од Сиднеј, Австралија во 2023 и 2024 година се објавени четириесет (40) продолженија од монографијата „Ѓорѓија – Џорџ Атанасоски“,а поголем број се објавени и во „Македонско сонце“.
Продолжува
Пишува: СЛАВЕ КАТИН
