Македонската женска одбојкарска репрезентација, го совлада Алжир со 3-1 (по сетови 25-10, 25-27, 25-14, 25-20) во последното коло од групната фаза на Медитеранските игри во Таранто, Италија.
После поразите од Турција, Косово и Грција, беше јасно дека македонскиот тим нема да разигрува во битка за медали, а оваа победа над Алжир е позитивна и дава самодоверба за идните предизвици.
Андротеа Милевска со 21 поен беше најефикасна, Тамара Атанасова имаше 15 поени, додека Ива Стојкоска запиша 14, но сите што влегоа во игра дадоа свој придонес во овој триумф.
