„Инстаграм“ тестира концепт за „празничен бонус“ кој ќе ги наградува креаторите на содржини врз основа на нивната популарност на социјалната мрежа.

Бонусот се тестира само на одреден број креатори, а има цел да ги награди влијателните корисници за споделување на нивната креативност преку видеа и фотографии на социјалните мрежи.
Засега, само одбрани креатори во САД, Јапонија и во Јужна Кореја ќе го тестираат новиот концепт до крајот на годината. Тие ќе добијат покана да ја активираат опцијата и да започнат да заработуваат на овој начин. Ќе добиваат пари врз основа на прегледите на видеата и фотографиите што ги објавуваат во текот на овој период.

„Инстаграм“ воведува и други новини за креаторите, како опцијата за подарок, која сега им е достапна на повеќе корисници низ светот. Следбениците може да споделуваат виртуелни подароци преку апликациите на „Инстаграм“ и „Фејсбук“ за да ги поддржат креаторите.