Грашокот е популарен зеленчук, кој содржи висок процент на влакна и антиоксиданти. Поради своите хранливи состојки, е зеленчук со импресивен нутритивен профил. Содржи малку калории – 82 калории на 100 грама. Околу 70% од тие калории потекнуваат од јаглехидратите, а остатокот од протеини и мали количини на масти.
Потребно:
- 500гр грашок
- Три компира (средна големина)
- Главица кромид
- Едно чешне лук
- 150мл млеко + лажица брашно (за замена може да се користи и павлака за готвење)
- Зачини по желба
Подготовка: Во поголемо тенџере ставете го грашокот, компирот, лукот и кромидот да се варат. Кога ќе зовријат, варете уште 15 минути на средна температура, Кога зеленчукот ќе омекне, истурете ја водата, но не ја фрлајте. Со миксер стап или во блендер се добро измиксирајте. Додавајте постепено од водата додека не ја добиете саканата густина. Вообичаено не треба да се достави цела вода, но некои сакаат потажот да има густина на чорба. Изборот е ваш. На крајот ставете ја неутралната павлака, или измешаното брашно со вода. Оставете потажот да проврие, па додадете ги зачините. Гответе уште кусо време додека зачините да се соединат, а потажот да добие на густина. Послужете со малку павлака и неколку кришки истостиран леб.
