Пост. Строги правила. Па, може и нешто слатко…како посни ружички на пример…
Состојки:
600 гр брашно
1 прашок за пециво
1 ванилин шеќер
2 лажици шеќер во прав
3 лажици млеко од соја (во прав)
300 мл топла вода
200 мл масло
крем или џем со малку маснотии
шеќер во прав
Подготовка: Измешајте ги сите суви состојки, а потоа во тенок млаз додадете масло и вода истовремено.
Откако ќе го измешате тестото, веднаш расукајте го и со чаша извадете „коцки“ како кога правите посни крофни.
На секоја кора ставете крем или џем по вкус и завиткајте го во „пакетче“.
Печете на 200°C околу 20 минути или додека ружите не поруменат.
Кога ќе се испечат посните ружиќки, извадете ги од рерна и додека се топли посипете ги со шеќер во прав.
