Посна штрудла со џем за пост на вода е одлично уживање за посни денови. И тоа е едно од најретките вкусни слатки кога станува збор за постот на вода! Оваа штрудла со џем е многу мека и вкусна.
Состојки:
430 до 450 гр брашно
300 мл топла вода
кесичка сув квасец
прстофат шеќер
кесичка ванилин шеќер
џем.
Прелив:
100 мл вода
една лажица брашно
една лажица шеќер
Подготовка:
1. Во малку млака вода истурете го квасецот и прстофат шеќер. Промешајте и оставете 10 минути.
2. Потоа се додава остатокот од водата, постепено се додава брашното и убаво се замесува да се добие меко тесто. Покријте и оставете го тестото да нараснува 45 минути.
3. После тоа кратко се замесува тесто и се дели на два дела. Со сукало тенко расукајте ги двата дела, премачкајте со џем и виткајте во ролат (доволни се 4 лажици џем, изберете кој лесно се мачка).
4. Вклучете ја рерната на 200 степени.
5. Оставете ја штрудлата во тавата за печење, на хартија, додека се загрева рерната и се подготвува преливот. За преливот измешајте вода и брашно и ставете го на рингла да зовријат со постојано мешање.
6. Намачкајте ја штрудлата со преливот, посипете со шеќер и печете во загреана рерна 25-30 минути.
7. Испечената штрудла се попрскува со малку вода, се покрива и се остава малку да се излади. Исечете, посипете со шеќер во прав и послужете.
