Ви го откриваме најдобриот рецепт за посна пита со јаболка и цимет
Посната пита со јаболка и цимет е едно од оние традиционални јадења што никогаш не излегуваат од мода. Благодарение на сочната јаболка, нежниот мирис на цимет и крцкавата кора, овој десерт е еден од омилените во секоја пригода – без разлика дали е некој празник или само ви се јаде нешто слатко, а лесно.
Состојки:
- 500 г кори за пита
- 1 кг јаболка (киселкасти)
- 150 г шеќер
- 1 лажиче цимет
- 100 г мелени ореви
- 100 мл масло
- 50 г лебни трошки
- 1 кесичка ванилин шеќер
Приготвување:
1. Излупете ги и изрендајте ги јаболката, па измешајте ги со шеќер, цимет и ванилин шеќер. Оставете ги 5-10 минути да пуштат сок.
2. Додајте лебни трошки за да го впијат вишокот течност, а по желба, додајте и мелени ореви.
3. Редете ги корите за пита по две, попрскајте ја секоја со масло, па распоредете го филот од јаболка.
4. Завиткајте во ролна и редете ги во подмачкан плех.
5. Печете во претходно загреана рерна на 200 степени, 25-30 минути, додека зарумени.
6. По желба, посипете со шеќер во прав кога ќе се олади питата.
