Австралиските власти соопштија дека уапсиле поранешен војник за наводни убиства на авганистански цивили. Поранешниот војник е обвинет за ваквите злосторства додека бил во Авганистан како дел од воена операција, во која учествувале и австралиски воени сили.
Австралиската федерална полиција очекува 41-годишниот маж да биде обвинет пред австралискиот суд за едно од точките за воени злосторства, кое ќе носи доживотна казна затвор. Ова е првпат активен или поранешен припадник на австралиските одбранбени сили да се соочи со такви обвиненија, пишува „Ројтерс“.
Четиригодишната истрага откри дека австралиските специјални сили наводно убиле 39 невооружени затвореници и цивили во Авганистан, а високи командоси наводно ги принудувале помладите војници да убиваат беспомошни затвореници за да ги подготват за борба.
По препораките на извештајот, случаите на 19 сегашни и поранешни припадници на австралиската војска се упатени на специјален истражител за да се утврди дали има доволно докази за кривично гонење. Повеќе од 39.000 австралиски војници служеа во Авганистан, а 41 загинаа.
Австралија беше дел од меѓународните сили предводени од НАТО кои ги обучуваа авганистанските безбедносни сили и се бореа против талибанците две децении, откако силите поддржани од Западот ги соборија исламистичките милитанти во 2001 година.
