Помогнал ли „транспортерот“ Димковски во лоцирањето на Палевски во Турција?

Date:

Како се движел Љупчо Палевски Палчо, осомничен за грабнувањето и убиство на 14 годишната Вања Ѓорчевска и 74 годишниот Панче Жежовски, кој беше фатен во Турција. Речиси во исто време кога јавноста дозна за неговото апсење во турскиот град Баликесир, другите четворица осомничени добија притвор од 30 дена. Министерот за внатрешни работи Оливер Спасовски сликовито го прикажа апсењето на Палевски.

Спасовски ја опиша траекторијата нa движење на Палевски, кој во одреден момент се упатил кон Истанбул, но се вратил во Баликесир.

Тој најпрвин заминал за Белград, каде престојувал во еден хотел. Го однел неговиот адвокат, кој мислел дека осомничениот имал закажан лекарски преглед. Потоа друго лице, Стефан Димковски, кој сега е во притвор со џип Ленд Ровер го пренел во Бугарија и оттаму во Турција. Димковски беше фатен на граничниот премин кај Дојран.

Димковски, според пишувањата во некои медиуми, додека го превезувал Палевски не знаел дека е осомничен  за убиствата и бил искористен од него. Тој на Фејсбук споделил и фотографија од Турција, објавена утрото на 3 декември.

Од обвинителството велат дека не може да споделат детали во тaа насока. Министерот за внатрешни работи Оливер Спасовски вчера не одговори дали Димковски им помогнал во лоцирањето на Палевски.

МВР претходно поднесе и кривична пријава за случајот. Четворица се осомничени за грабнување и убиства на Ѓорчевска и Жежовски. Таткото на Вања, Александар е осомничен за помагање при извршување на кривичното дело – Грабнување на малолетно лице.

Два пиштоли се најдени во околината на Скопје кои се поврзуваат со убиствата. Пронајден е и мобилниот телефон на Вања. Спасовски потврди дека Вања била застрелана, а не задушена, како што се шпекулираше. Тој очекува истрагата за убиството на Вања да се прошири.

Обвинителството сподели и детали за убиството на Жежовски. Тие влегле во неговиот дом и го грабнале со цел да им го даде неговиот автомобил Цитроен. Го нападнале и врзале и потоа го убиле на 22 ноември со огнено оружје во близина на селото рудник. Вања била убиена на 27 ноември во атарот на селото Бразда на периферијата на Скопје, каде беше најдено нејзиното тело и опожарениот автомобил Циторен со кој била грабната.

LEAVE A REPLY

Please enter your comment!
Please enter your name here

Сподели:

Потпишете се

spot_imgspot_img

Топ вести

Поврзани
Related

ВЛАДЕЕЊЕТО НА АЛЕКСАНДАР СО ПРОВИНЦИИТЕ ЛИДИЈА И КАРИJА (49)

ДЕЛ ОД РОМАНОТ „АЛЕКСАНДАР ВЕЛИКИ (МАКЕДОНСКИ)“ ОД УЛРИХ ВИЛКЕН...

Љутков: Апсолутно е забрането да се гради на археолошки локалитети

Апсолутно е забрането да се гради на археолошки локалитети...

Општина Центар нема да даде пари за црква во Берлин, советниците гласаа против предлогот

Советот на Општина Центар на денешната седница не го...

Чеченците водат голема офанзива: исчистени 10 села

Американскиот CNBC пренесува дека генерал-мајор Апти Алаудинов, командант на...