Слатки пиперки полнети со солена мешавина од мелено пилешко или мисиркино месо, италијански зачини и сирењаи цело зрно по ваш избор – секоја полнета пиперка е комплетно здраво пакетче за ручек.
Италијанските вкусови и црвените пиперки природно одат заедно. Гарантираме дека ова ќе стане вашиот омилен рецепт за полнети пиперки!
Состојки:
- 4 големи црвени пиперки
- 2 лажички екстра девствено маслиново масло
- 450 г мелено пилешко или мисиркино месо
- 2 лажички италијански зачин
- 1 лажиче лук во прав
- пола лажиче сол
- 1/4 лажиче чили во прав
- 1 конзерва сечкан домат без сол (450 г)
- 280 г варен кафеав ориз, киноа или орзо (ако користите орзо, не го варете го крај)
- 120 г рендана моцарела
- 120 г пармезан
- 2 лажици сечкан свеж босилек
Приготвување:
Загрејте ја рерната на 190 степени Целзиусови. Премачкајте сад за печење со димензии 23х33 см со спреј против лепење. Пресечете ги пиперките на пола, од врвот до дното. Отстранете ги семките и мембраната, а потоа наредете ги со пресечената страна нагоре во подготвениот сад за печење.
Загрејте маслиново масло во големо тавче со нелепливо дно на средна температура. Додајте месо, италијански зачини, лук во прав, сол и чили. Пржете, раздвојувајќи го месото, додека месото зарумени и се зготви, околу 4 минути. Исцедете го вишокот течности, додајте конзерва сечкани домати и нивниот сок. Оставете да се крчка 1 минута.
Тргнете го тавчето од рингла. Додајте ориз, 120 г моцарела и 25 г пармезан. Наполнете ги пиперките со филот, па посипете ги со преостанатиот пармезан.
Сипете малку вода во тавчето со пиперките – доволно за да го покрие дното на тавчето. Печете ги непоклопени 30-35 минути додека пиперките омекнат, а пармезанот се стопи. Посипете со свеж босилек и послужете топло.
Остатоците чувајте ги во фрижидер до 4 дена или замрзнете ги до 3 месеца. Оставете ги да се одмрзнат во фрижидер прекуноќ. Загрејте ги во микробранова печка или во рерна. За најлесно загревање, прво пресечете ги пиперките на неколку парчиња за да се загреат рамномерно.
