Еден од најголемите хитови на Мараја Кери е „All I Want for Christmas Is You“, песна од која таа и денес профитира.
Според Билборд, пејачката лани од споменатата песна добила 1,86 милиони долари. Според студијата на Економист од 2016 година, Мараја Кери во просек заработува 2,5 милиони долари хонорари секоја година.
Песната „All I Want for Christmas Is You“ е објавена во 1994 година, а во 2023 година би можела да надмине 100 милиони долари вкупна заработка, тврди Асошиејтед прес.
Патем, оваа песна постави три Гинисови рекорди во 2019 година, вклучувајќи го и насловот на најстримуваната песна на Spotify за 24 часа. За еден ден во декември 2018 година, беше стримуванa повеќе од 10,8 милиони пати, а повторно го собори рекордот во 2022 година со 21,3 милиони слушања.
