Со жрепката во Нион се дознаа четвртфиналните двојки во Лигата на нации, а најинтересниот пар е Хрватска – Франција.
Во останатите дуели од четвртфиналната фаза се среќаваат Холандија – Шпанија, Данска – Португалија и Италија – Германија.
Првите натпревари се закажани за 20 март, а реваншите се играат на 23 март 2025 година.
Денеска беше извршена ждрепката и за полуфиналето. Во првото полуфинале ќе се сретнат победниците од дуелите Италија – Германија и Данска – Португалија, а во второто полуфинале ќе се сретнат победниците од дуелите Холандија – Шпанија и Хрватска – Франција.
Денеска беше одржана ждрепката за опстанок и промоција во дивизиите А, Б и Ц.
Во плеј-офот од А дивизијата ќе се сретнат: Австрија – Србија, Турција – Унгарија, Украина – Белгија и Грција – Шкотска.
Во баражот за пополнување на Б дивизијата извлечени се следните двојки: Косово – Исланд, Бугарија – Ирска, Ерменија – Грузија и Словачка – Словенија. Во баражот од Ц дивизија се среќаваат: Гибралтар – Летонија и Малта – Луксембург.
