Со повлекувањето на најдобриот тенисер Новак Ѓоковиќ и официјално се потврдени имињата на осумте учесници на завршниот Мастерс во Торино.
На завршниот АТП турнир за оваа година ќе учествуваат осум тенисери, а турнирот е закажан од 10 до 17 ноември. Листата на учесници ја предводи Јаник Синер, минатогодишниот финалист, а носител во втората група ќе биде Александар Зверев.
Во листата на оние кои ќе се борат за трофејот се најдоа и Карлос Алкараз, Данил Медведев, Тејлор Фриц, Каспер Руд, Алекс де Минор и Андреј Рубљев.
