Единство помеѓу политичките партии нема – покрај Европскиот фронт, против се и пратениците од Вреди, за кои премиерот Мицкоски не прецизира дали ќе ги разубедува или ќе го прифати нивниот услов законот да важи и за поранешните припадници на УЧК. Мицкоски ја обвинува СДСМ како предлагач на законот за неискреност и намера да предизвикаат етнички тензии. Лидерот на опозициската партија Филипче пак тврди дека зад нивниот предлог нема никаква скриена намера.
„Бранителите ја имале, ја имаат и ќе ја имаат мојата недвосмислена поддршка. Самата пратеничка и СДСМ не го поднесуваат законот затоа што мислат добро на бранителите, туку го поднесуваат за да создадат повторно етнички тензии, етничка нетрпеливост, бидејќи таа ќе е картата на која што и тие и другите опозициски партии без разлика дали се од македонскиот блок или од албанскиот ќе играат во периодот којшто следи.“-Христијан Мицкоски, премиер на Македонија.
„Овој закон е со цел да се излезе во пресрет на реалните потреби и барањата и на тие луѓе што имаат инвалидитет, преживеано и семејствата коишто имаат загинати бранители. Така што сметам дека сè што можеме да направиме во интерес на граѓаните, во задоволувањето на нивните реални потреби ние го правиме и ќе го правиме и понатаму. И тука воопшто нема никаков, никаква димензија на некаква меѓуетничка поделба или некакво подгревање на меѓуетнички тензии.“-Венко Филипче – претседател на СДСМ.
За меѓуетнички тензии обвинуваат и од Вреди, кои сметаат дека оваа тема е дел од сценарио за дестабилизација во земјава. И вицепремиерот Изет Меџити на социјалните мрежи и преку партиски соопштенија повторија дека немало да дозволат вака скроениот закон да помине во Собрание.
Нашата порака е јасна: нема да дозволиме Собранието да стане арена на манипулации и поделби. Законите што имаат за цел да го поделат албанскиот народ и да го одржуваат во живот корумпираниот систем, немаат место во нашата агенда! Тука сме за да го браниме правото на албанскиот народ и да бараме сеопфатно решение за сите рани од минатото, вклучително и статусот на поранешните борци на ОВК. – стои во стоопштението на коалицијата „Вреди“.
Со предлог измените на законот, покрај бранителите од конфликтот во 2001-та, се опфатени семејствата на загинатите војници и полицајци од независноста до денес. Меѓу нив се и случаите со авионската несреќа на претседателот Борис Трајковски во Ротимље, хеликоптерската несреќа кај катлановско Блаце и несреќата во Струмица, но и за загинатите во Диво Насеље. Се предлага еднократен надоместок за нематеријална штета од 80.000 евра, пренесува ТВ Канал 5.
„Бранителите ја имале, ја имаат и ќе ја имаат мојата недвосмислена поддршка. Самата пратеничка и СДСМ не го поднесуваат законот затоа што мислат добро на бранителите, туку го поднесуваат за да создадат повторно етнички тензии, етничка нетрпеливост, бидејќи таа ќе е картата на која што и тие и другите опозициски партии без разлика дали се од македонскиот блок или од албанскиот ќе играат во периодот којшто следи.“-Христијан Мицкоски, премиер на Македонија.
„Овој закон е со цел да се излезе во пресрет на реалните потреби и барањата и на тие луѓе што имаат инвалидитет, преживеано и семејствата коишто имаат загинати бранители. Така што сметам дека сè што можеме да направиме во интерес на граѓаните, во задоволувањето на нивните реални потреби ние го правиме и ќе го правиме и понатаму. И тука воопшто нема никаков, никаква димензија на некаква меѓуетничка поделба или некакво подгревање на меѓуетнички тензии.“-Венко Филипче – претседател на СДСМ.
За меѓуетнички тензии обвинуваат и од Вреди, кои сметаат дека оваа тема е дел од сценарио за дестабилизација во земјава. И вицепремиерот Изет Меџити на социјалните мрежи и преку партиски соопштенија повторија дека немало да дозволат вака скроениот закон да помине во Собрание.
Нашата порака е јасна: нема да дозволиме Собранието да стане арена на манипулации и поделби. Законите што имаат за цел да го поделат албанскиот народ и да го одржуваат во живот корумпираниот систем, немаат место во нашата агенда! Тука сме за да го браниме правото на албанскиот народ и да бараме сеопфатно решение за сите рани од минатото, вклучително и статусот на поранешните борци на ОВК. – стои во стоопштението на коалицијата „Вреди“.
Со предлог измените на законот, покрај бранителите од конфликтот во 2001-та, се опфатени семејствата на загинатите војници и полицајци од независноста до денес. Меѓу нив се и случаите со авионската несреќа на претседателот Борис Трајковски во Ротимље, хеликоптерската несреќа кај катлановско Блаце и несреќата во Струмица, но и за загинатите во Диво Насеље. Се предлага еднократен надоместок за нематеријална штета од 80.000 евра, пренесува ТВ Канал 5.
