Објавен е трејлер за документарната серија „The Super Models“ која пристигнува оваа есен.

Наоми Кембел, Синди Крафорд, Линда Еванџелиста и Кристи Тарлингтон ќе се појават во документарната серија од 4 дела која ќе пристигне на „AppleTV+“ на 20-ти септември, а трејлерот нѝ открива што можат да очекуваат гледачите.

Приказ на она што се случувало зад камерите и надвор од модните писти

Гледачите ќе имаат прилика да видат што се случувало надвор од модните писти, а серијата ги открива некои од предизвиците кои сите морале да ги совладаат за да дојдат до тоа каде што се денес. Трејлерот има повеќе од 2 милиони прегледи. Во серијата се појавуваат и многу други ѕвезди на модната индустрија како Марк Џејкобс, Едвард Енинфул, Мајкл Корс, Донатела Версаче…

„Невидениот пристап до моделите ги носи гледачите зад камерите и надвор од модните писти, откривајќи како тие доминирале во елитниот свет на манекенството, притоа осветлувајќи ја врската која самостојно ја промени динамиката на моќта на целата индустрија“, најавува „Apple TV+“.

Документарната серија патува во 80-те години, кога 4 жени од различни краеви на светот се обединиле во Њујорк. Иако тие се моќни засебно, успехот кој го постигнале со здружување ја надмина самата индустрија.

„Денес 4 супермодели остануваат на првата црта на културата преку активизам, филантропија и деловна сила. Додека модната индустрија продолжува да се редефинира себеси и улогата на жените во неа, приказната за Наоми, Синди, Линда и Кристи останува една од најинспиративните приказни за моќта“, гласи најавата на оваа серија.