Погачиците со кашкавал и маслинки се мали и многу вкусни закуски кои во себе носат повеќе вкусови. Комбинацијата од нежно тесто, солено сирење и ароматични маслинки ги прави идеален избор за појадок, меѓуоброк или како вкусен додаток на разни јадења. Лесни се за подготовка, а нивниот вкус потсетува на медитеранската кујна.
Потребно:
- 350 г брашно
- 2 лажички прашок за печиво
- 1 лажичка сол
- 60 г ладен путер (коцки)
- 100 г рендан кашкавал
- 100 г сечкани црни маслинки (без семки), добро исцедени
- 180 – 200 мл јогурт
- 1 лажица маслиново масло
Подготовка: Загрејте ја рерната на 200 °C и подгответе плех за печење со хартија за печење. Измешајте го брашното, прашокот за печиво и солта во голем сад, потоа додадете го ладниот путер и втријте го во смесата со прстите додека не личи на презла. Додадете ги сечканите маслинки и ренданото сирење и измешајте. Додадете го јогуртот и брзо соединете во меко, не премногу лепливо тесто (доколку е потребно, додадете уште една или две лажици јогурт). На лесно набрашнета површина, развлечете го тестото на дебелина од околу 2 см, исечете погачици со дијаметар од 8-9 см, наредете ги на плех за печење и премачкајте ги со маслиново масло. Печете 12-16 минути или додека не поруменат.
