Денеска продолжија возбудувањата во Првата македонска фудбалска лига со првите натпревари од пролетниот дел на сезоната.
Екипата на Гостивар како домаќин славеше против актуелниот шампион Струга со 1:0 со погодокот на Потук од пенал во судиското надополнување (90+6`).
Претходно од 67 минута гостите играа со фудбалер помалку поради два жолти картони на Хамза.
Шкендија триумфираше на гостувањето кај Вардар со 2:1. Немаше погодоци во текот на првото полувреме, но затоа ги имаше во второто.
Ибраими донесе позитива за тетовските „црвено-црни“ во 54 минута, па израмни скопскиот клуб преку Закариќ од пенал во 67 минута. Конечниот епилог го постави Тамба во 76 минута победа на Шкендија.
Мируваа мрежите на дуелот Пелистер – Брера Струмица, додека Шкупи со головите на Аворнио (29`) и Имери (75`) го совлада Работнички.
Воска Спорт со 2:0 го надигра тимот на Беса 1976. Бодовите за Воска Спорт ги обезбедија Зуљ во 73 и Осеи во 78 минута од натпреварот.
Силекс ремизираше 1:1 против Тиквеш, клубот од Кратово поведе со голот на Алиќ во 30 минута, а екипата од Кавадарци го избегна поразот во 78 минута преку Садик од пенал.
Прва македонска фудбалска лига
19 коло, резултати:
Гостивар – Струга 1:0
Пелистер – Брера Струмица 0:0
Шкупи – Работнички 2:0
Силекс – Тиквеш 1:1
Вардар – Шкендија 1:2
Воска Спорт – Беса 1976 2:0
Табела: Шкендија 40 бодови, Силекс 38, Гостивар 38, Работнички 37, Струга 32, Шкупи 25, Пелистер 20, Брера Струмица 20, Тиквеш 15, Воска Спорт 15, Беса 1976 13, Вардар 13.
