Контроверзниот рапер Диди бил пренесен од затворската ќелија во болница, пишува „Њујорк Пост“. Според извештаите, раперот бил одведен од затвор доцна во ноќта за да не го привлече вниманието на другите затвореници.
Тој бил пренесен во блиската болница околу 22 часот во четвртокот за да му се направи магнетна резонанца.
Според извори на „Њујорк Пост“, Диди се пожалил на проблеми со коленото, поради долгата историја на раперот со проблеми со колената откако го истрчал маратонот во Њујорк. Музичкиот магнат не ја поминал ноќта во болница и за неколку часа бил вратен во затворот во Бруклин.
Се појавија и шпекулации дека Диди, завршил во болница поради тепачка во затвор. Сепак, според „Њујорк Пост“, тоа не било точно.
Ова не е првпат раперот да има проблеми со коленото. Во 2020 година, тој беше подложен на својата четврта операција за две години, и на Инстаграм призна дека е многу склон на повреди. “Отсекогаш сум бил ваков. Ова е моја четврта операција за две години. Двапати имав операција на ротаторната манжетна, а сега тоа е квадрицепс. На крајот на денот, ова е Божјиот план да ме забави”, рекол тогаш Диди.
Да потсетиме дека судот на неодамнешното ново рочиште го прошири обвинението против музичкиот магнат. Меѓу другото, се тврди дека Диди платил 100.000 долари за видео на кое ја тепа својата поранешна девојка Кеси Вентура. Дополнително, судот го вклучи обвинението за дизајнерката Брајана Бане Бонголан, која тврдеше дека откако ја злоставувал, раперот ја обесил над оградата на станот на 17-ти кат во кој живеела Вентура во тоа време.
