Во текот на вчерашниот ден, градоначалникот на општина Гази Баба, Бобан Стефковски, на својот Фејсбук профил, објави фотографии од запалено детско игралиште, поточно, од опожарени реквизити, кои биле поставени пред само еден месец.
„Со големо жалење сакам да ја информирам јавноста дека по само еден месец од изградбата на новото детско катче на улица Сава Михајлов во Ченто, денес еден од реквизитите од истото беше запален!
Апелирам до родителите и младите за поголема грижа на она што општината го инвестира за урбанизација на просторот во Месните и Урбаните заедници.
Изминатиот период сведоци сме на голем број девијантни однесувања во кои се уништува она што се гради!
Општината неможе да изгради толку, колку што несовесните граѓани можат да уништат!“, напиша тој на својот профил.
