Според „Ворлд травелс авордс“ (World Travel Awards), најдобра туристичка атракција во Европа за 2023 година е „Guinness Storehouse“ во Даблин.
Кога ќе помислите на најдобрата туристичка атракција во Европа, веројатно помислувате на Колосеумот во Рим или на Ајфеловата кула во Париз. Сите тие се неверојатно познати, но, на изненадување на многумина, една знаменитост ги надмина во трката за водечка туристичка атракција во Европа.
Според „Ворлд травелс авордс“, гала свеченост која секоја година ги слави најдобрите од патувањата, туризмот и угостителството од 1993 година, пиварницата „Guinness Storehouse“ во Даблин, главниот град на Ирска, е водечка туристичка атракција во Европа.
Меѓу номинираните беа и Бакингемската палата во Лондон, Саграда Фамилија во Барселона и Акропол во Атина.
„Guinness Storehouse“ за првпат ја освои наградата во 2015 година и е рангиран како најдобра туристичка атракција во Ирска како целина. Се наоѓа во самото срце на Даблин, град познат по својата богата историја и култура.
Магацинот не е само местото каде што се произведува пивото „Guinness“ во последните 250 години, туку нуди поглед од зад сцената на сложеноста на правењето и точењето на ова светски познато пиво.
Ова место ја раскажува приказната за најпознатото извозно пиво во Ирска, пивото „Guinness“, од неговите скромни почетоци во 1759 година до денес. Магацинот не е само дом на „Guinness“, туку и славење на ирската култура, креативност и претприемништво.
Приказната е раскажана преку различни интерактивни изложбени простори вклучувајќи состојки, транспорт, кооперација, огласување и спонзорство. Се протега на седум ката и опкружува стаклен атриум во форма на литар „Guinness“.
Тука е и киносалата посветена на прикажување на стари реклами за „Guinness“ и неодамна реновираниот „Gravity Bar“ кој има прекрасен поглед на главниот град на Ирска.