Оскар Пиастри стигна до третата сезонска победа во Формула 1, откако беше најдобар и најсигурен во Саудиска Арабија. На патеката во Џеда австралискиот возач почна од второто место, ама релативно лесно го мина Макс Верстапен и потоа прв мина низ целта. По трката Пиастри нагласи дека ова била најтешката досега во оваа сезона, веројатно алудирајќи на тешките услови и топлото време.
„Имавме тежок старт. Имав потешкотии да го следам Макс, ама по пит-стопот имав чист воздух пред себе и го искористив тоа. Ова беше еден убав викенд за Мекларен и за мене. Покажав дека имам напредок, ама ова беше една од најтешките трки во мојата кариера“, изјави Пиастри.
Младиот возач на Мекларен го презеде водечкото место во поредокот и со 99 бода првпат во кариерата стана лидер. Зад него со „минус 10“ е тимскиот колега Ландо Норис кој го успева да се држи со притисокот, а спротивно на тоа помладиот Пиастри засега е одличен.
