Пилешкото месо печено со пармезан е брзо јадење и повкусно отколку од ресторан.
Овој рецепт содржи босилок. Здрав е за консумирање оти е богат со витамини К, Ц и А, како и калциум, калиум, железо и магнезиум. На јадењате им дава совршена арома, може да се користи свеж или сушен. Има антиинфламаторни својства.
Потребни состојки:
- 4 половинки пилешко филе
- сол
- бибер
- 2 големи јајца
- 240 гр презла (или повеќе по потреба)
- 180 гр пармезан
- 2 лажици брашно
- 120 мл маслиново масло (за пржење)
- 120 гр доматен сос
- 60 гр моцарела
- 60 гр свеж босилок
- 120 гр кашкавал
- 2 лажички маслиново масло
Подготовка:
Прво загрејте ја рерната на 230 степени. Ставете го пилешкото филе во кеса што се затвора и на рамна површина. Цврсто измавајте го пилешкото со чекан за месо до дебелина од 5 см. Потоа убаво зачинете го со сол и бибер. Посипете го брашното врз филетите, рамномерно премачкајте ги двете страни. Изматете ги јајцата во плиток сад и оставете ги на страна.
Во посебен сад измешајте ја презлата и половина од ренданиот пармезан и оставете ги на страна. Месото со брашно потопете го во изматените јајца. Префрлете го во смесата со презла и посипете од двете страни. Оставете го пилешкото да отстои 10 до 15 минути. Загрејте го маслото во тава на силен оган и пржете го пилешкото во врело масло додека не порумени, околу 2 минути по страна.
Префрлете го пилешкото во сад за печење. Секое филе прелијте го со 2 лажици доматен сос, парчиња ситни коцки моцарела, сечкан свеж босилек и рендан кашкавал. Одозгора посипете го преостанатиот пармезан и намачкајте со малку маслиново масло. Се пече во загреана рерна додека кашкавалот не порумени, 15 до 20 минути.
