Печените ребра со компири се вистински специјалитет кој можете да го направите дома.
Потребни состојки:
- 800 гр свински ребра
- 1,5 кг компири
- 2 лажици мајонез
- 2 лажички мешавина од суви зачини
- ½ лажичка сол
- бибер
- магдонос
Подготовка:
Измијте ги ребрата и исечете го секое посебно. За да ги направите ребрата повкусни, подгответе ја маринадата. Земете 2 лажици мајонез, додадете половина лажичка сол, 2 лажички мешавина од суви зачини и мелен црн бибер во количина по вкус. сето тоа убаво измешајте го. Ребрата ставете ги во сад и премачкајте ги со подготвената маринада. Оставете да се маринираат на собна температура околу 30 минути.
Додека ребрата се маринираат, подгответе ги компирите. Излупете и исечете компирите, па ставете ги во сад за печење подмачкан со масло. Посолете ги компирите по вкус и измешајте.
Ставете ги маринираните ребра над компирите. Покријте ја тавата со фолија. Сето тоа се става во загреана рерна на 200 степени и се пече околу 1 час. По тој еден час извадете ја фолијата и вратете ја тавата во рерна на уште 10 минути за да порумени. Откако ќе го извадите од рерна по желба одозгора можете да пропрскате со малку магдонос.
