Пензиониран пар од Австралија станаа ѕвезди на крстарењата, откако поминаа речиси 500 дена крстарејќи низ светот. Марти и Џес Ансен резервирале 51 последователно крстарење, бидејќи оваа опција им била поевтина од пензионерски дом, пишува Њујорк пост.
Марти и Џес Ансен тргнале на своето прво крстарење на 16 јуни 2022 година, по долги две години строги рестрикции, за време на пандемјата во Австралија. Тие допрва треба да патуваат, резервирајќи вкупно 51 патување.
Овие прабаба и прадедо престојуваат на бродот „Корал принцес“ повеќе од 450 дена, на кој патуваат околу 2.000 патници. Тие на бродот се подолго дури и од повеќето членови на екипажот, вклучувајќи ги и капетаните. Марти и Џес очекуваат да останат две години на бродот .
Двојката тврди дека им е поевтино да крстарат низ светот две години, отколку да платат за престој во пензионерски дом.
Марти и Џес уживале во крстарења со децении, пред да стане нивно секојдневие последнава година.
Меѓу предностите на овој животен стил е тоа што пензионерите секогаш имаат што да прават, од танцување до романтични вечери, а секогаш има кој да им ја исчисти нивната соба, да ја испере нивната облека. Инаку, Џес најмногу ужива да танцува, додека Марти ужива да стекнува „доживотни пријатели“.
Менаџерот на бродот вели дека сите го знаат брачниот пар и дека веќе имаат статус на познати личности. Секако, Марти и Џес не планираат да престанат со овие авантури и наскоро ќе резервираат уште едно крстарење.
Членовите од нивното семејството ги гледаат секогаш кога бродот застанува на пристаништата во близина на нивните домови.