Ракометарите на Еурофарм Пелистер го победија Алкалоид (23:29) во денешното дерби на македонската машка ракометна Супер лига и во позитивна атмосфера ќе го дочекаат дербито за титула со Вардар.
Битолчани настапија без Филип Кузмановски, но сепак стигнаа до победата на гостински терен, нешто што им беше потребно по поразот во финалето на Купот од најголемиот ривал Вардар.
Пелистер уште на полувреме водеше со 14:18, Алкалоид во продолжението еднаш стигна на минус еден гол, но сепак гостите беа подобри во завршницата и ги освоија бодовите во „Автокоманда“.
Од натпреварот вреди да се истакне и црвениот картон кој му беше доделен на домашниот тренер Кире Лазаров, кој беше исклучен по забелешките за судиите во 40. минута од средбата.
Манасков со 6 голови беше најефикасен во победничката екипа, додека кај Алкалоид, Петковски исто така беше најефикасен со 6 погодоци.
