Актерката Гвинет Палтроу ги спореди нејзините двајца поранешни дечковци, холивудските актери Бред Пит и Бен Афлек, за време на појавувањето во подкастот на Алекс Купер.
Таа откри дека Афлек и бил „технички“ подобар во кревет, но додала дека Пит го надминал како подобар актер.
На прашањето кој е подобар во кревет, актерката рече: „Тоа е навистина тешко прашање, Бред беше љубовта на мојот живот во тоа време. Бен беше технички одличен. Двајцата беа добри бакнувачи“. Изјавила таа и додала кој од двајцата е подобар актер.
„И двајцата се многу талентирани. Бен е одличен писател и режисер, но ако треба да изберам, веројатно би го избрала Бред поради сите различни улоги што ги играл“, признала таа, додавајќи дека Пит имал подобар стил и бил повеќе романтичен. За Афлек изјавила дека тој повеќе ја засмевал и дека почесто се расправала со него.
Да потсетиме, Гвинет Палтроу беше во врска со Бред Пит од 1994 година. Тие беа и свршени, но свршувачката ја раскинаа во 1997 година бидејќи мислеше дека е премлада за брак со оглед на тоа дека тогаш имала 24 години. Таа беше и во тригодишна врска со Бен Афлек.
