Потребни состојки: 2 ѓевреци, путер, две јајца, овчо сирење, малку буковец, туршија,
маслинки, рукола.
Начин на подготовка: Во тава на средна умерена температура се топи парче путер и во
него се става кратко да се пропржи ѓеврекот од двете страни, по две минути од страна.
Потоа во истата тава се става јајцето да се испржи. На чинија за сервирање прво става
приготвеното јајце и врз него се става пржениот ѓеврек. Низ ѓеврекот треба да се гледа
јајцето. Се додава буковец, а се декорира со рукола, туршија или маслинки. Одлично оди
и со ајвар.
