Пакс Џоли-Пит, 20-годишниот син на актерите Анџелина Џоли и Бред Пит, е хоспитализиран откако се здобил со повреда на главата во сообраќајна несреќа додека возел електричен велосипед во Лос Анџелес, со кој удрил во задниот дел од автомобилот, пренесува „Дејли мејл“.
Полицијата и болничарите веднаш го префрлиле Пакс во болница, откако се пожалил на болки во главата и во колковите, а не носел кацига во моментот на несреќата.
Пакс наводно возел по улица која е речиси секогаш прометна, а удрил во автомобил на раскрсница кога автомобилот застанал на црвено светло. Според медиумите, возачот на автомобилот излегол и го проверил повредениот Пакс пред да пристигнат полицијата и брзата помош.
Извори од местото на настанот рекле дека Пакс се пожалил на болка во колкот и дека ја повредил главата во несреќата. Итната помош била загрижена дека можеби се работи за крвавење од мозокот, па веднаш го однеле во болница. Сепак, „Дејли мејл“ пишува дека Пакс е во стабилна состојба и нема потреба долго да престојува во болница.
Претходно, Пакс возел електричен велосипед „Талариа Стинг Р МИкс4“, во вредност од околу 3.000 долари, низ Лос Анџелес. Сепак, не се знае дали со тој велосипед имал сообраќајна несреќа.
