Научниците идентификуваа осум нездрави животни навики кои, доколку се променат, би можеле да го продолжат животот за над 20 години.

Според нов труд, невежбањето, употребата на опиоиди и пушењето имаат најголемо негативно влијание врз животниот век и може да доведат до 30-45 отсто поголем ризик од смрт.

Стресот, прекумерното пиење, лошата исхрана и лошиот сон биле поврзани со зголемен ризик од смрт за околу 20 отсто. Недостигот на позитивни социјални односи е осмата спомената навика и е поврзан со 5 отсто зголемен ризик од смрт.

Истражувањето, кое ги проучувало навиките за животниот стил, користело податоци од медицински досиеја и прашалници собрани помеѓу 2011 и 2019 година од 719.147 луѓе.

Тоа открило дека на мажите што ги имале сите осум здрави навики – вклучително и висока физичка активност и непушење – на 40-годишна возраст им се предвидувало да живеат во просек 24 години подолго од мажите што немаат ниту една од овие навики, а дополнителни 21 година за жените.